Рейддин катышуучулары бааларды мониторинг кылышып, ишкерлерге эт азыктарынын баасы боюнча белгиленген чектөөлөрдү сактоонун маанилүүлүгүн түшүндүрүштү. Эгерде 680 сомдон жогору баада эт сатылган фактылар аныкталса, Антимонополия кызматынын өкүлдөрү мыйзамга ылайык жоопкерчилик чараларын колдонууга даяр.
Мындан тышкары, жогоруда аталган базарларда жеткиликтүү баада эт сатуу үчүн кошумча сатуу пункттарын түзүү маселеси талкууланды. Бул демилге «Кыргыз Агрохолдинг» ААКсына таандык жана эт азыктарынын баасынын өсүшүн токтотууга багытталган.
Маселен, муниципалдык администрациялар Антимонополия кызматы менен биргеликте мындай рейддерди жана мониторингдерди туруктуу өткөрүп турушат. Аныкталган бардык мыйзам бузуу фактылары каралат жана алар боюнча учурдагы мыйзамга ылайык тиешелүү чаралар көрүлөт.
