Репо операцияларынын жалпы көлөмү өткөн квартал менен салыштырганда бар болгону 3% га төмөндөдү.
Орточо салмактуу пайыздык ставка II кварталдын аягында 4,21% дан III кварталдын аягында 4,52% га көтөрүлдү.
Займдардын орточо мөөнөтү 23 күнгө чейин жогорулады, бул өткөн кварталдан 14 күнгө узун. Операциялар мамлекеттик казначейлик облигасияларынын кепилдиги менен жүргүзүлдү.
Валюталык своптар рыногунда өткөн квартал менен салыштырганда активдүүлүктүн төмөндөшү байкалууда — операциялардын көлөмү 19,1% га кыскарды.
Коммерциялык банктар валюталык ликвиддүүлүктү өз операциялык ишмердүүлүгү үчүн тартуу максатында орточо 11 күндүк мөөнөт менен своп-сделкелерди жүргүзүштү, бул өткөн кварталдан 7 күнгө аз.
Улуттук валютада жогорку ашыкча ликвиддүүлүккө карабастан, сомдук ликвиддүүлүктү тартуу үчүн своп-операциялардын көлөмү өткөн квартал менен салыштырганда 3,2% га жогорулады, бирок жылдык көрсөткүчтө бул тармакта 12% га төмөндөш байкалууда.
