Алайчиевдин айтымында, учурда бала бакчага орун алуу үчүн 517 бала кезекте турат. Жаңы мекеменин ачылышы 100 баланын бала бакчага баруусуна мүмкүнчүлүк берет. Курулуш жана жабдуулар жеке ишкер тарабынан 6 миллион сомго каржыланган, кошумча 2 миллион сом жергиликтүү бюджеттен бөлүнгөн. Окуу мекемеси толугу менен заманбап жабдуулар менен камсыздалган жана иштөөгө даяр.
Ачылыш аземине Ош облусундагы президенттин ыйгарым укуктуу өкүлүнүн орун басары Талантбек Арстанкулов, Узген районунун акими Каныбек Апбасов, район акиминин орун басары Максат Ибраимов жана айылдын тургундары катышты.
