Бул маалыматты Жыгач-Коргон айылынын башчысы Арстанбек Токтобаев тастыктады.
Ал ошондой эле курулуштун аякташы 2026-жылга пландалганын белгиледи.
«Биздин Жыгач-Коргон айылында 5 миңден ашык үй-бүлө жашайт, мурда бала бакча жок болчу. Курулуш 2012-жылы ашара ыкмасы менен башталган, бирок каржылоонун жетишсиздигинен иштер токтоп калган. Кийин жергиликтүү бийлик каражат бөлүп, бакча 50 орун менен ачылган. Калк санынын өсүшү менен кошумча жайларды куруу зарыл болуп калды. Азыркы учурда 35 миллион сомдук суммага иштер жүрүп жатат: жаңы имараттын фундаментин коюп, дубалдарын тургузууда», - деди Токтобаев.
Учурда бала бакчага кирүү үчүн 70тен ашык бала кезекте турат.
