Зыярат учурунда лабораториянын учурдагы абалы, жүргүзүлүп жаткан анализдердин сапаты жана ылдамдыгы, ошондой эле техникалык мүмкүнчүлүктөр жана кадрдык курамы талданды. Лабораториянын адистери өз изилдөөлөрү тууралуу маалымат бөлүшүп, актуалдуу көйгөйлөрдү белгилешти.
Зыяраттын жыйынтыгы боюнча Кочеров лабораторияны мындан ары өнүктүрүүгө багытталган бир катар маанилүү тапшырмаларды берди.
Айрыкча, жумуш процессинин санариптештирүү боюнча инициативаларды иштеп чыгуу, лабораториялык анализдердин тактыгын жана убагында жүргүзүлүшүн камсыздоо, ошондой эле белгиленген стандарттарга ылайык аккредитация менен байланышкан маселелерди тез арада чечүү сунушталды.
Лабораториянын материалдык-техникалык базасын бекемдөөгө жана заманбап изилдөө ыкмаларын киргизүүгө, ошондой эле ишти эл аралык нормаларга ылайык келтирүүгө өзгөчө көңүл бурулду.
Бул иш-чара мамлекеттик фитосанитардык контролдун натыйжалуулугун жогорулатууга, өлкөдөгү фитосанитардык коопсуздукту камсыздоого жана лабораториялык кызматтардын сапатын жакшыртууга маанилүү кадам болду.
