Билим берүү министрлигинин маалыматына ылайык, окуучулар арасында оорулуулук сезондук мүнөзгө ээ, бул жакын арада карантин киргизүүнүн зарылдыгын жокко чыгарат.
Ошондой эле Саламаттык сактоо министрлигинде мектептерди жабуу пландалбай турганын тастыкташты. Саламаттык сактоо министринин орун басары Бубужан Арыкбаева: "Биз мектептерди жаппайбыз, анткени балдардын катышуусу көзөмөлдөнүп турат. Азырынча жабуу үчүн негиздер жок", - деди.
Акыркы күндөрдө социалдык тармактарда жана ата-энелердин топторунда балдар арасында вирус жугуу боюнча көптөгөн кайрылуулар пайда боло баштады. Ата-энелер айрым класстарда окуучулардын жарымы оорунун себебинен жок экенин билдиришти.
