Учурда акысыз жүрүү төмөнкү жарандык категорияларга берилет:
- пенсиядагы адамдар;
- I, II жана III топтогу мүмкүнчүлүгү чектелген адамдар;
- балалык кезинен мүмкүнчүлүгү чектелген адамдар;
- 7 жашка чейинки балдар;
- мамлекеттик ишкананын "Кыргызпочтасы" почтальондору кызматтык милдеттерин аткаруу учурунда.
"Ата-энелер же мыйзамдуу өкүлдөр мүмкүнчүлүгү чектелген балдарды социалдык интеграция үчүн спорттук, чыгармачылык, билим берүү жана медициналык мекемелерге алып барышат. Бирок жардамчылар өздөрү жүрүү чыгымдарын жабууга мажбур, бул үй-бүлөлөр үчүн кошумча финансылык жүк жаратат жана балдардын зарыл кызматтарга жетүүсүн чектейт. Бул жеңилдикти киргизүү жардамчыларга финансылык жүктү кыйла жеңилдетет жана мүмкүнчүлүгү чектелген балдардын билим берүү, маданий жана коомдук жашоого катышуусуна ыңгайлуу шарттарды түзөт", — деп жазылган сунушта.
Бул демилге Бишкек шаардык кеңешинин кароосуна жөнөтүлөт.
Ошондой эле, Жогорку Кеңештин токтомуна ылайык, 2024-жылы жергиликтүү бийлик органдарына мүмкүнчүлүгү чектелген балдарды коштоп жүргөн ата-энелерди жүрүү акысына төлөөдөн бошотуу сунушталган.
