Эмгек кодексинин 155-беренесине ылайык, 25 жана андан көп кызматкери бар ишканалар майып адамдар үчүн жумуш орундардын кеминде 4%ын бөлүүгө милдеттүү. Бул вакансиялар жарым күндүк жумуш шартында сунушталышы мүмкүн.
Майыптарды жумушка орноштуруу үчүн квоталар кызматкерлердин санына жараша аныкталат:
- 25-49 кызматкер үчүн — бир жумуш орду;
- 50-74 үчүн — эки орун, алардын кеминде бири I же II топтогу майыптар үчүн болушу керек;
- 75-99 үчүн — үч орун, ошондой эле кеминде бири I же II топтогу майыптар үчүн;
- 100 жана андан көп болсо — квота жалпы кызматкерлердин санына жараша көбөйтүлөт.
Министрликте бул инициативалар бардык экономика тармактарында тең мүмкүнчүлүктөрдү түзүүгө жана инклюзивдик эмгек рыногун өнүктүрүүгө жардам берерин белгилешти.
