18-октябрдан 1-декабрга чейин Бишкекте мүмкүнчүлүгү чектелген адамдарды спорттук иш-чараларга тартууга багытталган инклюзивдик спартакиада өтүүдө. Уюштуруучу катары шаардык мэриянын физикалык маданият, спорт, туризм жана жаштар саясаты департаменти чыгууда.
Спартакиадада 10 спорттун түрү каралган, алардын арасында шахмат, шашка, үстөл тенниси, мини-футбол, волейбол, армрестлинг, пауэрлифтинг, грек-рим күрөшү, тхэквондо WT жана сүзүү бар. Бардык курактагы спортчулар катышууда: чоңдор, жаштар жана балдар.
23-октябрда спорттук жекеме-жеке күрөш боюнча СДЮШОР базасында угуу жана көрүү мүмкүнчүлүгү чектелген адамдар үчүн шахмат боюнча мелдеш өттү. Турнирге 69 спортчу катышты.
Шахмат боюнча турнирдин жыйынтыктары:
Жигиттер категориясында:
1-орун - Жаанбаев Арген
2-орун - Алишеров Равил
3-орун - Надырбеков Иман
Кыздар категориясында:
1-орун - Медетова Бурулай
2-орун - Таалайбекова Адинай
3-орун - Ысмаилова Айбийке
Эркектер арасында:
1-орун - Рахмат уулу Талас
2-орун - Ким Эдуард
3-орун - Алмазбеков Шабдан
Аялдар арасында:
1-орун - Кудайбердиева Айтунук
2-орун - Монолова Кымбат
3-орун - Джылышбаева Чолпон
Уюштуруучулар спартакиаданын максаты инклюзивдик спортту колдоо, катышуучулардын ден соолугун жакшыртуу жана баардыгы үчүн тең мүмкүнчүлүктөрдү түзүү экенин белгилешет.
