Бул стандартка ылайык, Кыргызстандын жарандарын өлкө сыртындагы расмий вакансияларга издөө жана жөнөтүү процесси мамлекеттик программалар, өкмөттөр аралык жана эл аралык келишимдердин алкагында бирдиктүү эрежелер жана белгиленген процедуралар боюнча жүргүзүлөт.
Министрликке караштуу чет өлкөлөрдө жарандарды жумушка орноштуруу борбору бул кызматты көрсөтүүгө жооптуу болот. Жаңы документке ылайык, министрлик бардык этаптардын, анын ичинде тандоо, зарыл документтерди даярдоо жана мигранттардын чыгышы боюнча ачыктыкты камсыз кылууга милдеттүү. Мындан тышкары, борбор чет өлкөлөрдө жумушка орношууга байланыштуу кызмат көрсөтүүнүн сапатын жакшыртууга жана процедураларды жеңилдетүүгө милдеттендирилет.
