Күн сайын Бишкектеги коомдук транспорттун 10дон ашык жүргүнчүсү төлөнбөгөн жол киреси үчүн айыппул алат. Бул маалымат шаардык мэрияда айтылды.
Шаардык бийлик тарабынан берилген маалыматка ылайык, Транспорт жана жол инфратүзүмүн өнүктүрүү департаменти, «Бишкек шаардык транспорту» МП кызматкерлери жана «Тулпар» фирмасы менен биргеликте коомдук транспортто жол кире төлөмдөрүн текшерүү боюнча рейддерди улантууда.
Бул текшерүүлөрдүн жүрүшүндө жол киресин төлөбөгөн жана талон албаган жүргүнчүлөргө Кыргыз Республикасынын укук бузуулар кодексинин 199-беренесинин 8-бөлүгүнө ылайык протоколдор түзүлөт.
Маалыматка ылайык, мындай укук бузуулар үчүн айыппул 1000 сомду түзөт жана департаменттин коомдук транспорт инспекциясы тарабынан салынат.
Мэрия ошондой эле коомдук транспортто наличный акча менен төлөөдө талон алуу зарылдыгын эскертет. «Маанилүү: ар бир рейс уникалдуу номер менен талон берет, ал кийинки сапар үчүн колдонулбайт», - деп белгиленет маалыматта.
