Маалыматка ылайык, 2025-жылдын 30-октябрында 1991-жылы төрөлгөн Кытай жараны Чж. И. милицияга арыз берген.
Анын кайрылуусунда, ошол эле күнү саат 14:00 чамасында, кытайлык тиркемени колдонуп, кытай тилинде сүйлөшкөн белгисиз адам ага юанларды сомго алмаштырууну сунуштаган. Сүйлөшүүнүн натыйжасында, кылмышкер Чж. И.ны 8 000 000 сомду А.Т. жана Х.Э. атындагы эсептерге өткөрүүгө көндүргөн, андан кийин каражаттар уурдалган. Зыян тарткан адам укук коргоо органдарынан алдамчыларга каршы чара көрүүнү өтүнгөн.
21-ноябрда Манас шаарынын ОВДсынын тергөө бөлүмү бул маалыматты Кыргыз Республикасынын Кылмыш кодексинин 209-беренеси ("Алдамчылык") боюнча кылмыштардын Бирдиктүү реестрине каттаган, бул кылмыш ишин козгоо үчүн негиз болуп калды.
Тергөө учурунда А.Т. банкте иштеп, тааныштарына башка адамдардын атына катталган банк карталарын 3000 сомдон саткандыгы аныкталды. Шектүүлөрдүн бири Х.Э. К.Ш.дан 1500 сомго картаны сатып алып, аны таанышына 3000 сомго саткан.
Жүргүзүлгөн оперативдик иш-чаралардын натыйжасында милиция кызматкерлери бул кылмышка шектелген 7 адамды кармашты. Манас шаардык сотунун чечими менен алар эки айга камакка алынды.
Тергөө иштери уланууда.
