Ведомствонун маалыматына ылайык, 2025-жылдын 2-октябрында Баткен шаардык ички иштер бөлүмүнө 28 жаштагы аймактын тургуну кайрылган. Ал 46 жаштагы жергиликтүү тургун алдамчылык жолу менен анын ишенимин утуп алып, атасын түрмөдөн бошотууга убада берип, 1 миллион 500 миң сом алганын айтып берген. Андан кийин шектүү ар кандай шылтоолор менен качып кеткен.
Бул окуя боюнча 209-беренеге ("Алдамчылык") ылайык кылмыш иши козголгон. Баткен шаардык ички иштер бөлүмүнүн кылмыш иликтөө кызматкерлери жүргүзгөн ыкчам иш-чаралардын натыйжасында Э.С. аттуу шектүү кармалды, ал эки айга убактылуу кармоо жайына жайгаштырылды.
Учурда тергөө иштери улантылууда.
