IV Элдик курултайда Чүй облусунун Москва районун өкүлдөгөн делегат Алмаз Такырбашев жергиликтүү тургундардын муктаждыктарын билдирип чыкты.
Ал мамлекеттик органдарга кайрылуулар көп учурда жоопсуз калып, көптөгөн маселелер чечилбей жатканын белгиледи.
«Биз Беловодскдогу ички жолдорду оңдоону өтүнүп жатабыз. Мындан тышкары, бизде газ жок, газификация маселесин чечүү керек. Ошондой эле, калкты таза ичүүчү суу менен камсыздоо абдан маанилүү, анткени трубопроводдор авариялык абалда», - деп кошумчалады ал.
Делегат ошондой эле мектептин толуп кеткенин, балдар үч сменада окууга туура келерин, бул жаңы билим берүү мекемелерин куруу зарылдыгын көрсөтүп жатканын белгиледи.
