IV Элдик курултайда Россиядан келген делегат Зыйна Бакирова президент Садыр Жапаровго өлкөдөн тышкары турган эмгек мигранттарынын көйгөйлөрүнө көңүл бурууну өтүндү.
Ал мамлекет башчысынын отчетунда өткөн жылдагы Кыргызстандын маанилүү жетишкендиктери көрсөтүлгөнүн, бирок мигранттардын маселеси тиешелүү деңгээлде жарыяланбай калганын белгиледи.
«Сиздин отчетуңузда жетишкендиктер жөнүндө көп маалымат бар, бирок мигранттар тууралуу сөз болгон жок. Биз сизден бизди унутпооңузду суранабыз», — деди ал.
Зыйна Бакирова эмгек мигранттары өлкөнүн экономикасында маанилүү роль ойнорун, акча которуулар аркылуу өз үй-бүлөлөрүн жана региондорун колдоп жатканын жана мамлекеттен туруктуу колдоого муктаж экенин баса белгиледи.
