Таза киреше өлкөгө келген которуулар суммасы менен чет өлкөгө жөнөтүлгөн которуулар суммасынын айырмасын билдирет. Маалыматка ылайык, белгиленген мезгилде айырма $2,6 миллиардды түздү, ал эми жалпы кирешелердин көлөмү $3,0 миллиардга жетти, бул өткөн жылга салыштырганда 17%га көп. Ошол эле учурда каражаттардын агымы 14%га жакын кыскарып, $332 миллионду түздү.
Атап айтканда, Россия Федерациясынан келген акча которуулар 17%га көбөйүп, $2,8 миллиардды түздү. Айлык маалыматтарды талдоо көрсөткөндөй, көпчүлүк учурда Россиядан келген которуулар 2024-жылдагы көрсөткүчтөрдү ашып өткөн, январьдан (18%га төмөндөө) жана сентябрдан (0,2%га кыскаруу) башка.
