Маалыматтарга ылайык, кен казуу тармагы жалпы салык түшүүлөрүнүн 20,6 пайызын түзүп, бул 56,7 миллиард сомго барабар. Бул 2024-жылдын ушул мезгилине салыштырганда 18,7 миллиард сомго көп.
Соода 84,6 миллиард сомду түзүп, өткөн жылга салыштырганда 20,4 миллиард сомго көбөйдү. Курулуш секторунда салык түшүүлөрү 15,5 миллиард сомду түзүп, 2024-жылга салыштырганда 6,3 миллиард сомго көбөйдү.
Кичи жана орто бизнес дагы өсүш көрсөтүп, 23,7 миллиард сомду камсыз кылышты, бул жалпы салык түшүүлөрүнүн 8,6 пайызын түзөт. Бул өткөн жылга салыштырганда 10,1 миллиард сомго көп.
Мамлекеттик салык кызматы салык жана төлөмдөрдү чогултуу боюнча жылдык планды ийгиликтүү аткарып, 275 миллиард 742 миллион сом чогултканын белгиледи.
