2024-жылдын ушул эле мезгили менен салыштырганда, акциздик салык жыйымдары 3 миллиард 1,7 миллион сомго көбөйүп, бул 17,3% өсүштү түздү.
Кыргыз Республикасында өндүрүлгөн акциздик продукциядан 2025-жылдын 11 айында 4 миллиард 826,3 миллион сом түшкөн. Бул суммадан, алкогольдук продукциядан акциздик салык 3 миллиард 448,3 миллион сом, алкогольсуз ичимдиктерден — 1 миллиард 297,0 миллион сом, мунай продуктуларынан — 70 миллион сом жана тамеки продукциясынан — 8,2 миллион сом түздү.
ЕАЭБ өлкөлөрүнөн импорттолгон акциздик продукция боюнча түшүүлөр 14 миллиард 666,8 миллион сомду түздү. Алардын ичинен: 9 миллиард 111,7 миллион сом тамеки буюмдарына, 3 миллиард 670,9 миллион сом мунай продуктуларына, 653,7 миллион сом алкогольдук ичимдиктерге жана 749,2 миллион сом алкогольсуз ичимдиктерге туура келет.
Эскерте кетсек, 2021-жылдын 1-июлунан баштап Кыргыз Республикасында алкогольдук жана тамеки продукцияларын идентификациялоо каражаттарын колдонуу менен милдеттүү маркировка киргизилген.
"Товарларды маркировкалоо" маалыматтык системасынын алкагында 12 тамеки продукциясын импорттоочу, 34 өндүрүүчү жана 96 алкогольдук продукцияны импорттоочу катталган, алар маркировка коддорун алышат.
2025-жылдын 11 айында 223,7 миллион маркировка коду берилген, анын ичинен 157,2 миллион — тамеки продукциясына, 42,6 миллион — алкогольге, 23,7 миллион — жеңил өнөр жай продукциясына, 167,9 миң — бут кийимге жана 3,3 миң — парфюмерияга берилген.
