2025-жылдын биринчи 11 айында жыйналган акциздик салыктын жалпы көлөмүнөн 4 миллиард 826,3 миллион сом Кыргызстандын аймагында өндүрүлгөн акциздик продукциядан алынган. Атап айтканда, алкогольдук продукцияга 3 миллиард 448,3 миллион сом, алкогольсуз ичимдиктерге — 1 миллиард 297 миллион сом, мунай продуктуларына — 70 миллион сом жана тамеки продукциясына — 8,2 миллион сом түшкөн.
ЕАЭБ өлкөлөрүнөн импорттолгон акциздик продукция боюнча түшүүлөр 14 миллиард 666,8 миллион сомду түздү. Анын ичинен 9 миллиард 111,7 миллион сом тамеки продукциясына, 3 миллиард 670,9 миллион сом мунай продуктуларына, 653,7 миллион сом алкоголь ичимдиктерине жана 749,2 миллион сом алкогольсуз ичимдиктерге тиешелүү.
Эскертебиз, 2021-жылдын 1-июлунан баштап Кыргыз Республикасында алкогольдук жана тамеки продукциясын идентификациялоо каражаттары менен милдеттүү түрдө белгилөө киргизилген.
«Товарларды белгилөө» системасында 12 тамеки продукциясын импорттоочу, 34 өндүрүүчү жана 96 алкогольдук продукцияны импорттоочу катталган, алар белгилөө коддорун алышат.
2025-жылдын башынан бери 223,7 миллион белгилөө коду берилди. Анын ичинен 157,2 миллион — тамеки продукциясына, 42,6 миллион — алкоголь ичимдиктерине, 23,7 миллион — жеңил өнөр жай продукциясына, 167,9 миң — бут кийимге жана 3,3 миң — парфюмерияга берилген.
