24-ноябрдагы акыркы маалыматтарга ылайык, бул амбициялуу план ийгиликтүү ишке ашырылды: райондун мамлекеттик бюджетинин киреше бөлүгү 1 миллиард 36 миллион 44 миң 300 сомду түздү. Прогноздор жыл аяктап калганга чейин бул көрсөткүч 1 миллиард 150 миллион сомго жетиши мүмкүн экенин көрсөтүүдө.
«2015-жылдан бери бюджеттик динамиканы талдоо региондо туруктуу жана системалуу өсүүнү көрсөтүүдө. Айрыкча, 2015-жылы бюджеттин кирешелери 92 миллион 960 миң 400 сомду түзсө, 2020-жылы — 119 миллион 314 миң сомду түздү, бул беш жылдык мезгилде 28,3% өсүшкө туура келет», — деп белгилешти акимиятта.
Акыркы беш жылда рекорддук өсүш байкалууда: бүгүнкү күндө 2025-жылга бюджет 2020-жылга салыштырмалуу 768% га көбөйдү, бул сегиз эсе өсүшкө барабар. Бул инвестицияларды тартууга, өндүрүш секторун жана кызмат көрсөтүү тармагын өнүктүрүүгө багытталган экономикалык саясат райондун финансылык мүмкүнчүлүктөрүн кыйла бекемдегенин тастыктоодо.
Мындай бюджет деңгээлине жетүүнүн негизги факторы — жалпы киреше базасына олуттуу салым кошкон алтын кен иштетүүчү компаниялардын туруктуу иштеши болду», — деп кошумчалашты билдирүүдө.
