Башында, өрт Калкты тейлөө борборунун (ЦОН) имаратын каптаганы тууралуу маалымат келип түшкөн, бирок кийинчерээк өрттүн булагы карго борбору болгондугу аныкталды.
МЧСтин маалымат кызматынын маалыматына ылайык, бул чоң имаратта дүкөндөр жана уюмдар гана эмес, ошондой эле ЦОН да жайгашкан. ЦОНдогу өрт тууралуу жаңылыш маалыматтар социалдык тармактарда тез тарап кетти. Чындыгында, өрттүн очогу бул эле имаратта жайгашкан карго (Кытайдан товарларды берүүчү жер) болгон. Өрт өчүрүүчүлөр тез арада чара көрүп, оттун коңшу дүкөндөргө жайылышына жол бербей алышты.
Ведомствонун маалыматына ылайык, өрт 15:10да толугу менен өчүрүлгөн.
Өрттү өчүрүү үчүн окуя болгон жерге 13:51де шаардык өрт-куткаруу бөлүмүнүн №27 эки өрт бригадасы жетип барды.
Өрт чыккан аянт 90 квадрат метрди түздү.
Кудайга шүгүр, жабыркагандар жок, өрттүн келип чыгуу себептери учурда аныкталып жатат.
