Облус милициясынын басма сөз кызматы билдиргендей, бул иш-чараны Ош облусунун Ички иштер башкармалыгынын начальниги Нурланбек Бурканов жетектеди. Жыйында ошондой эле Ардагерлер кеңешинин төрагасы Курсанбек Камчиев, райондук ички иштер бөлүмдөрүнүн жетекчилери, кызматтардын жана бөлүмдөрдүн башчылары катышты.
Жыйын учурунда Ички иштер башкармалыгынын начальниги 2025-жыл ичинде өз милдеттерине жогорку берилгендикти көрсөтүп, маанилүү жетишкендиктерге жеткен кызматкерлерди белгиледи. Аларга «Профессия боюнча мыкты» наамы ыйгарылып, Ички иштер министрлигинин атынан эс алуу үчүн жолдомолор тапшырылды.
Мындан тышкары, мыкты натыйжаларды көрсөткөн Ардагерлер кеңештеринин төрагаларына баалуу белектер берилди. Айрыкча, облус боюнча төмөнкү орундар бөлүнгөн:
- 1-орун — Араван районунун Ардагерлер кеңеши,
- 2-орун — Узген районунун Ардагерлер кеңеши,
- 3-орун — Чоң-Алай районунун Ардагерлер кеңеши.
Жеңүүчүлөр Ош облусунун Ички иштер башкармалыгынын Ардак грамоталары, сыйлык ленталары жана акчалай сыйлыктар менен сыйланды.
Жыйындын улантылышында жылдын оперативдүү кызматтык ишмердүүлүгүнүн жыйынтыктары талкууланып, жетишкен ийгиликтер жана кемчиликтер белгиленди.
Жыйындын аягында облус милициясынын начальниги иштин негизги багыттарын белгилеп, жетекчилер үчүн конкреттүү милдеттерди формулировка кылды.
Негизги милдеттердин арасында: жарандардын кайрылууларын сапаттуу жана убагында карап чыгуу, коомдун ишенимин бекемдөө, терс кырдаалдардын алдын алуу, кылмыштарды ачуу, кибер кылмыштуулукка каршы күрөшүү, мыйзамсыз наркотик жүгүртүүсүнө көзөмөл жүргүзүү, курал-жаракты конфискациялоо, экстремисттик аракеттерди аныктоо, кызматкерлердин кесиптик деңгээлин жогорулатуу, кызмат көрсөтүүнү жакшыртуу, санариптештирүүнү улантуу, ошондой эле үй-бүлөлүк зомбулук жана балдарга зомбулукка каршы профилактика жүргүзүү көрсөтүлгөн.
Ошондой эле, кызматтык мыйзам бузууларга жол берген жетекчилерге дисциплинардык чаралар колдонулары, мыйзамсыз аракеттерге, анын ичинде коррупцияга тартылган кызматкерлер катуу кесепеттерге дуушар болорун баса белгиленди.
