2025-жылдын 1-январынан баштап Кыргызстанда милдеттүү утиль салыгы күчүнө кирет, ал өндүрүүчүлөрдүн кеңейтилген жоопкерчилиги системасынын (РОП) бир бөлүгү болуп калат. Бул маалымат Кыргыз Республикасынын Табигый ресурстар министрлиги тарабынан таратылаган.
РОП системасы - бул мамлекеттик механизм, ал өндүрүүчүлөрдү жана импорттуучуларды товарлардын жана упаковкалардын пайдаланылганынан кийин кайра иштетүүгө жоопкерчилик жүктөйт.
Кыргыз Республикасынын Министрлер Кабинетинин 2024-жылдын 19-июнунда жарыяланган 322 номерлүү токтомуна ылайык, РОП системасына кирген 24 товар тобунун тизмеси бекитилген. Бул тизмеге аккумуляторлор, унаа дөңгөлөктөрү, пластик жана кагаз упаковкасы, майлоочу майлар, үй техникасы жана башка буюмдар кирет.
РОП системасына катышуучулар утиль салыгын төмөнкү мөөнөттөрдө төлөшү керек:
▪️ импорттуучулар товарларды өлкөгө киргизгенден кийин 15 күндүн ичинде төлөмдү жүргүзүшү керек;
▪️ өндүрүүчүлөр отчеттук мезгилден кийинки айдын 15-чисынан кечиктирбестен, квартал сайын төлөмдөрдү киргизиши керек.
РОП механизмин ишке ашыруу мамлекеттик "Экооператор" ишканасына жүктөлгөн.
Утиль салыгынан түшкөн бардык каражаттар калдыктарды кайра иштетүү инфраструктурасын өнүктүрүүгө жана экологиялык таза технологияларды киргизүүгө багытталат.
Утиль салыгын төлөөнүн кечиктирилиши учурдагы мыйзамдарга ылайык административдик жоопкерчиликке алып келет.
