Анын маалыматына ылайык, бул өзгөртүүлөр 2024-жылы кабыл алынган. Мурда 58 жашка жеткен аялдар жана 63 жашка жеткен эркектер үчүн 20 жыл стаж талап кылынган. Эгер стаж жетишсиз болсо, толук эмес өлчөмдө пенсия дайындалган.
2024-жылдын 1-июлунан баштап эски норма жаңысы менен алмаштырылды, анын негизинде толук пенсия алуу үчүн болгону 5 жыл стаж талап кылынат.
Муканбетов 2026-жылдан баштап минималдуу стаждын акырындык менен жогорулаарын белгиледи: ар бир эки жылда ага бир жыл кошулат. 2045-жылга чейин минималдуу стаж 20 жылга жетиши керек, андан кийин бул пландагы өзгөртүүлөр токтотулат.
Ошондой эле, стажды эсептөөдө эмгек китебиндеги маалыматтардан тышкары, армияда кызмат өтөө, декреттик отпуск жана мыйзам менен белгиленген башка мезгилдер да эске алынарын баса белгиледи.
