29-январда Билим берүү министрлигинде министр Догдуркуль Кендирбаеванын жетекчилиги менен жыйын өттү, ага министрдин орун басарлары, ведомстволук уюмдардын жетекчилери жана донордук уюмдардын өкүлдөрү катышты.
Жыйын учурунда 12 жылдык мектеп билим берүүнүн биринчи жарым жылдыгынын жыйынтыгы боюнча аралык мониторинг жана аналитикалык баа талкууланды.
Министрлик билдиргендей, 12 жылдык билим берүүнүн баштапкы этаптарында жетишилген жыйынтыктарды аныктоо үчүн анкета суроолорунун жана байкоолордун негизинде комплексдүү анализ жүргүзүү пландалууда.
Министр аралык жана жыйынтык анализдери реформанын биринчи жыйынтыктары жөнүндө объективдүү түшүнүк түзүүгө, кабыл алынган чечимдердин натыйжалуулугун баалоого жана көйгөйлүү аймактарды, жетишкендиктерди жана 12 жылдык билим берүүнүн келечектеги этаптарын тууралоо үчүн багыттарды аныктоого жардам берет деп белгиледи.
Мугалимдердин квалификациясын жогорулатуу, предметтик стандарттар жана окуу планарынын практикалык колдонулушун баалоо, ошондой эле электрондук билим берүү ресурстары жана санарип платформаларын, анын ичинде Кыргыз билим берүү академиясынын жана Республикалык мугалимдердин квалификациясын жогорулатуу жана кайра даярдоо институтунун порталдарын, ошондой эле «Окуу китеби» колдонуу натыйжалуулугун анализдөөгө өзгөчө көңүл бурулат.
Мониторинг алкагында мугалимдердин автоматташтырылган маалыматтык системаларды «Мугалим», «Кундолук» жана башка санарип чечимдерди канчалык деңгээлде өздөштүргөнү, ошондой эле бул системаларга киргизилген маалыматтардын тактыгы, актуалдуулугу жана толуктугун анализдөө пландалууда, бул маалыматтар башкаруучулук чечимдерди кабыл алуу үчүн колдонулат.
«Аралык мониторингти Билим берүү министрлигинин Билим берүүнүн сапатын өнүктүрүү департаменти жүргүзөт», - деп билдирилди ведомствонун маалыматында.
