Инфраструктураны жаңылоо алкагында 150 километрден ашык СИП-кабелдер тартылган.
Чүй облусундагы жалпы тартылган узундук боюнча 7,52 километр 35/10 кВ аба ЛЭП жана 15,75 километр 10 кВ аба линиялары СИП-3 колдонуу менен орнотулган. Ошондой эле 146,24 километр 10 кВ линиялары СИП-2ге өткөрүлгөн.
Райондор боюнча бөлүштүрүү:
- Аламудун району – 31,2 км;
- Кемин району – 6,2 км;
- Москва району – 13,7 км;
- Жайыл району – 23,34 км;
- Сокулук району – 32,6 км;
- Чүй району – 7,5 км;
- Ысык-Ата району – 16,5 км;
- Панфилов району – 15,2 км.
СИП-кабелинин негизги өзгөчөлүгү – анын ар кандай тышкы таасирлерге, анын ичинде аба электр линияларына терс таасир эте турган табигый көрүнүштөргө жогорку туруктуулугу.
Бул провод температуранын өзгөрүүлөрүнө, муздун пайда болушуна, жаан-чачынга жана шамал жүктөрүнө чыдамдуу. Күчтүү ураган жана жамгыр шарттарында традициялык алюминий проводдор ашыкча механикалык жүктөрдөн үзүлүп кетиши мүмкүн, ал эми СИП-кабель татаал шарттарда да ишенимдүү иштөөдө, бул анын маанилүү артыкчылыгы болуп саналат.
Бул иш-чаралар күз-кыш мезгилинде керектөөчүлөр үчүн туруктуу электр энергиясын камсыз кылууга жана мүмкүн болгон кырсыктарды алдын алууга багытталган.
Электр энергиясын камсыз кылуу боюнча кошумча маалымат алуу үчүн 24/7 телефондорго кайрылсаңыз болот:
105 (бесплатный звонок)
+996 772 001209
+996 556 001209
WhatsApp: +996 702 001209
