Ведомствонун маалыматы боюнча, «Арсенал» рейди Алай районунда коомдук коопсуздукту жогорулатуу, куралды мыйзамсыз колдонуунун алдын алуу жана үй-бүлөлүк зомбулукка каршы күрөшүү максатында уюштурулган.
Рейд учурунда негизги көңүл мыйзамсыз сакталган куралды табууга, ошондой эле ок атуучу куралга уруксат алган жарандардын жүрүм-турумун талдоого жана үй-бүлөдөгү зомбулук учурларын аныктоого бурулган.
Жүргүзүлгөн иш-чаралардын натыйжасында эки жаран өз куралдарын милиция өкүлдөрүнө ыктыярдуу түрдө өткөрүп беришти.
