Төтөнчө кырдаалдар министринин орун басары Эрнест Жусупов Жогорку Кеңештин агрардык саясат, суу ресурстары, жер казынасын пайдалануу, экологиялык маселелер жана айлана-чөйрөнү коргоо боюнча комитетинин жыйынында аба сапатынын мониторинги тууралуу маалымат бөлүштү. Анын айтымында, «Кыргызгидромет» Бишкек, Ош, Кара-Балта, Токмок жана Чолпон-Ата сыяктуу шаарларда байкоо жүргүзүүдө.
Бул калктуу конуштарда 14 стационардык пост жана бир автоматташтырылган станция жайгаштырылган. Ошондой эле Бишкекте жана Аламедин менен Ысык-Ата райондорунда 50 автоматташтырылган датчик орнотулган.
Алынган маалыматтарга ылайык, кээ бир күндөрдө булгануу заттарынын орточо суткалык нормалары 12 эсе ашып кеткен.
