Прокуратуранын маалыматы боюнча, 2025-жылы 104 (130) текшерүү жүргүзүлүп, анын натыйжасында 227 (214) мыйзам бузуу аныкталган. Алардын жоюлушу үчүн 108 (106) прокурордук реакция актылары жөнөтүлгөн. Натыйжада 106 (53) кызмат адамдары дисциплинардык жоопкерчиликке тартылды, ал эми 36 (51) адам мыйзам бузуулар үчүн айыппул алды.
Мындан тышкары, мамлекет 2 млн 666 миң 704 сом акча түрүндө жана 233 млн 522 миң сом мүлк түрүндө өндүрүп алууга жетишти.
Муниципалдык менчикке жер участкаларын кайтаруу боюнча сот органдарына 74 (4) доо арыз берилген. Алардын ичинен 62 (2) доо арыз толук канааттандырылды, 1 (2) доо арыз канааттандырылган жок, ал эми калган арыздар каралууда.
Ошондой эле коррупциялык иш-аракеттер боюнча 5 (3) кылмыш иши козголуп, натыйжада тиешелүү адамдар жоопкерчиликке тартылды.
