Ош облусунун Ички иштер башкармалыгы тарабынан берилген маалыматка ылайык, экстремизм жана мыйзамсыз миграция менен күрөшүү кызматкерлеринин жүргүзгөн ыкчам иш-чараларынын жүрүшүндө, өлкөдө экстремисттик жана тыюу салынган материалдарды социалдык тармактар аркылуу таратууга шектелген жарандар кармалган.
Экспертиза кармалгандардын социалдык тармактарда экстремисттик жана террордук уюмдарга байланыштуу материалдарды жайгаштырып, бөлүшкөнүн тастыктады.
Жыйналган маалыматтар жана экспертизанын негизинде 332-беренеге («Экстремисттик материалдарды даярдоо жана таратуу») ылайык кылмыш иши козголуп, тиешелүү тергөө аракеттери башталды.
Операциянын жүрүшүндө эки шектүү кармалган: Д.Г., 1994-жылы туулган, жана Ю.Б., 1999-жылы туулган. Алар сот тарабынан камакка алынды.
Учурда бул кылмышка тиешеси болушу мүмкүн болгон башка адамдарды аныктоо боюнча иштер улантылууда.
