Кездешүү учурунда Жээнбек Кулубаев Кыргызстандын президенти Садыр Жапаровдун саламын жана эң жакшы каалоолорун тапшырды. Ал 2023 жана 2024-жылдары болгон жогорку деңгээлдеги ийгиликтүү визиттердин маанилүүлүгүн белгилеп, бул визиттер Кыргызстандын жана Германиянын ортосундагы мамилелерди бекемдөөгө жардам бергенин айтты. Министр соода, экономика, инвестициялар жана маданий алмашуулар боюнча кызматташууну өнүктүрүүгө кызыктар экенин билдирди.
Франк-Вальтер Штайнмайер болсо, региондогу коопсуздукту жана туруктуулукту бекемдөө боюнча аракеттерди жогору баалап, анын энергетикалык, соода жана транспорттук потенциалын баса белгиледи. Германиянын президенти Борбордук Азия менен өз ара аракеттешүүнү өнүктүрүүгө болгон берилгендигин дагы бир жолу ырастап, Кыргызстандын тоолуу аймактарына болгон визитин эске алып, климаттын өзгөрүшү жана муздардын эриши маселелери боюнча биргелешип иштөөнүн маанилүүлүгүн белгиледи.
