Бул тууралуу маалымат Аламедин райондук мамлекеттик администрациясынын өкүлдөрүнөн алынды, деп билдирди Turmush агенттигинин кабарчысы.
Мээрим Аширбаева тууралуу кыска маалымат:
Ал 1977-жылы Бишкекте туулган.
Билим:
1994-жылдан 1998-жылга чейин Мээрим Аширбаева Кыргыз эл аралык университетинде «системалык анализ жана башкаруу» адистиги боюнча мамлекеттик жана коомдук башкаруу факультетинде билим алган.
2006-жылдан 2008-жылга чейин Кыргыз билим берүү академиясында орус тили жана адабияты боюнча мугалимдик кесипке ээ болгон.
Кесиптик жол:
2003-жылдын сентябрынан 2019-жылдын августуна чейин Чүй облусунун Сокулук районундагы Белек айылындагы А. Куттубаев атындагы орто мектепте иштеген. Бул мектепте ал англис тили мугалими катары (2003–2015) ишин баштап, кийинчерээк окуу-тарбия иштери боюнча директордун орун басары болуп дайындалган (2015–2019).
2019-жылдын августунан 2022-жылдын ноябрына чейин Чүй облусунун Москва районундагы Александровка айылындагы Я. Шиваза атындагы жалпы билим берүү орто мектебинин директору болгон.
2022-жылдын ноябрынан тарта Аширбаева Москва райондук билим берүү бөлүмүнүн жетекчиси болуп иштеп келген.
Кесиптик жөндөмдөр:
Мээрим Аширбаева билим берүү тармагында административдик жана методикалык башкаруу тажрыйбасына ээ.
Ал ошондой эле билим берүү мекемелеринин материалдык-техникалык базасын жакшыртуу үчүн MERCY Corps жана Ага Хан долбоорлору менен кызматташкан.
Жарандык ишмердүүлүк:
2021-жылдан 2024-жылга чейин З. Кайназарова атындагы айылдык кенештин депутаты, 2016-жылдан бери ушул кеңешке шайланган.
Сыйлыктар:
2024-жылы Кыргыз Республикасынын Жогорку Кеңешинин ардак грамотасы менен сыйланган.
Ошондой эле 2024-жылы Чүй облусундагы президенттин ыйгарым укуктуу өкүлүнөн ардак грамота алган.
2018-жылы Улуттук мамлекеттик тил комиссиясы жана Сокулук райондук мамлекеттик администрациясы, ошондой эле З. Кайназарова атындагы айыл өкмөтү тарабынан ардак грамоталар менен сыйланган.
2017-жылы Афганистандагы согуштун ардагерлери республикалык кеңешинин ардак грамотасы менен сыйланган.
2014-жылы «Билим берүү отличниги» төш белгисин алган. 2012 жана 2011-жылдары Кыргыз Республикасынын Билим берүү жана илим министрлиги жана Сокулук райондук билим берүү бөлүмү тарабынан ардак грамоталар менен сыйланган.
