Президенттик кызматты аркалап жаткан Садыр Жапаров, мурда ГКНБны башкарган Камчыбек Ташиев мамлекеттик кызматка кайтып келбейт деп билдирди. Бул тууралуу ал "Кабар" агенттигине берген интервьюсунда айтты.
Президент: "Мен бардык талаш-тартыштарды тынчтык жолу менен чечүүнү жактырам. Биз достор болуп калабыз. Бирок ал мамлекеттик кызматка кайтып келбейт. Ага эс алып, ден соолугун чыңдоого жакшы. Убакыт бардык нерсени өз ордуна коюп берет. Азыр ал мүмкүн обидалангандыр, бирок убакыт өтүп, бул туура чечим экенин түшүнөт" - деп белгиледи.
Мындан тышкары, Жапаров Ташиевге жакын адамдардын кызматтан кетүү маселесин комментарийлеп өттү.
"Мен эч кимге кетүүнү буйруган жокмун. Алар өз милдеттерин аткарып, саясий иштерге кийлигишпесин. Эгер кимдир бирөө өз каалоосу менен кетүүнү чечсе, биз аларды кармап калбайбыз. Ар бир министрликте текшерүүлөр жүргүзүлөт. Эгер коррупциялык аракеттер аныкталса, күнөөлүүлөр жазаланат" - деп кошумчалады ал.
Президент кадр саясатынын маанилүүлүгүн баса белгилеп: "Мен дайыма туугандарды жана досторду дайындоонун мүмкүн эместиги жөнүндө эскертип келем. Мындай адамдар көп учурда жазасыздыкты сезишет. Эгер уурдоо фактысы далилденсе, жоопкерчилик бардык адамдарга, алардын статусуна карабастан, жүктөлөт" - деди.
Жапаров ошондой эле Ташиев менен кызматтан кеткенден кийин жолукканын билдирди.
"Кечээ кечинде мен аны кабыл алдым. Ага: эс ал, ден соолугун жакшырт деп айттым. Ал айтканына караганда, айрым "аксакалдар" анын аркасынан иш алып барып, ага зыян келтиришкен. Биз тартип орнотуудабыз, бизде бул үчүн күч жана мүмкүнчүлүктөр бар" - деп жыйынтыктады президент.
