2025-жылы Ош облусунда 16 жаңы билим берүү мекемеси ачылды. Бул тууралуу премьер-министр Адылбек Касымалиев Жылалды айылында өткөн салтанаттуу иш-чарада билдирди.
Касымалиев өз сөзүндө мамлекеттин негизги байлыгы билимдүү эл экенин белгиледи. Ал: «Заманауи дүйнөдө билим күчтү эмес, башкарууну камсыздайт. Сиздерге белгилүү болгондой, президент Жапаров Садыр Нургожоевичтин саясатынын негизги багыттарынын бири билим берүүнүн сапатын жакшыртуу жана бул үчүн зарыл шарттарды түзүү болуп саналат. Биздин өлкөдө балдарга көбүрөөк көңүл бурулууда, жаңы заманбап билим берүү мекемелери курулууда жана ачылууда», - деп кошумчалады.
