"Мен ойлонбостон макул болдум, анткени Ош — бул менин туулуп-өскөн шаарым, мен студенттик жылдарымды өткөргөм. Мен бул чоң жоопкерчилик экенин түшүнөм жана шаар үчүн иштөөгө даярмын. Менин мурунку жетекчим Женишбек Токторбаев көп эмгектенди, мен анын баштаган иштерин мүмкүн болушунча улантууга ниеттенип жатам. Мен мурдагы мэр тууралуу эч кандай терс пикир билдирбейм. Президент менен болгон жолугушууда Ош жана анын келечеги тууралуу көп маселелерди талкууладык. Ал ишкерлерге болгон мамилени өзгөртүүнүн маанилүүлүгүн жана адилеттүү иштөөнүн зарылдыгын белгиледи. Бул менин алдымда коюлган тапшырма болду. Биз берилген ишенимди актоого аракет кылабыз жана тургундар үчүн ыңгайлуу шарттарды түзүүгө аракет кылабыз", - деди Акаев.
Мындан тышкары, ал жаңы инициативалар жана шаарды өнүктүрүүнүн жалпы планы шаардык кеңеш менен биргеликте иштелип чыгарын кошумчалады.
"Биздин офис бардык адамдар үчүн ачык болот: жарандар, блогерлер жана журналисттер. Биз өз ишибизде ачыктыкка жана шыпаалуу болууга умтулабыз", - деп ишендирди мэр.
