Салтанатка катышуучуларга Кыргыз Республикасынын Коргоо министри, генерал-майор Руслан Мукамбетов куттуктоо сөзүн айтты. Ал мамлекет үчүн коргонуу жөндөмдүүлүгүн күчөтүү жана армияны колдоо маселелери биринчи кезекте турганын белгиледи.
Министр: "Мамлекет аскер кызматкерлеринин социалдык коргоосуна өзгөчө көңүл бурат. Биз турак жай менен камсыздоо, зарыл инфраструктурасы бар аскер шаарчаларын куруу жана өлкөбүздү коргогон адамдардын статусун жогорулатуу боюнча иштерди улантабыз" - деп баса белгиледи.
Иш-чаранын жүрүшүндө "Кыргыз Республикасынын Коргоо министрлигинин жеке курамынына сыйлык берүү жөнүндө" майрамдык буйрук окулду. Бул буйруктун негизинде, аскердик милдетин үлгүлүү аткарганы жана кызматтык ишмердүүлүгүндөгү жогорку жетишкендиктери үчүн мыкты офицерлер жана жоокерлер ведомстволук медалдар жана ардак грамоталар менен сыйланды.
