Жалал-Абад облусунда жайгашкан Манас шаарынын мурдагы аталышына кайтуу мүмкүнчүлүгү тууралуу социалдык тармактарда жана мессенджерлерде тараган акыркы ушактар четке кагылды. Кыргыз Республикасынын президентинин басма сөз катчысы Аскат Алагозов бул боюнча социалдык тармактагы өзүнүн баракчасында расмий билдирүү жасады.
Ал мындай маалыматтардын негизсиз экенин баса белгиледи. Манас шаарын кайра аталышы тууралуу маселе күн тартибинде жок.
"Социалдык тармактарда Манас шаарынын мурдагы аталышын алат деген маалымат чындыкка дал келбейт. Бул маселе талкууланган эмес жана талкууланбайт. Манас азыркы аталышында калат", - деп белгиледи Аскат Алагозов.
