Генералдык прокуратура билдиргендей, кайра карап чыгуу мыйзамдын катуу талаптарына ылайык гана болушу мүмкүн.
Учурда Жогорку Кеңеште депутаттар Кыргыз Республикасындагы айрым мыйзам актыларына өзгөртүүлөрдү киргизүү боюнча мыйзам долбоорун талкуулашууда. Бул мыйзам долбоору Кылмыш кодексине, Кылмыш-процессуалдык кодекске жана Кылмыш-аткаруу кодексине өзгөртүүлөрдү камтыйт.
Инициативаны талкуулоо учурунда депутат Эльвира Сурабалдиева генералдык прокурордун орун басарына суроо узатты: «Учурдагы жагдайларды эске алганда, саясий жылуу мезгилди күтсөк болобу? Көпчүлүк адилетсиз деп эсептеген чечимдер кайра каралат беле?»
Бул суроого генералдык прокурордун орун басары Умуткан Конкубаева бардык аракеттер мыйзамдык нормалардын чегинде гана болушу керектигин айтты.
Ал мындай деди: «Эгерде учурда арыздар келип түшсө же прокурордук көзөмөл учурунда жаңы фактылар аныкталса, материалдарды кайра карап чыгууга болот. Бирок мыйзамдар бардык иштерди мыйзамдуу негиздерсиз кайра карап чыгууга жол бербейт».
Ошондой эле прокурордун орун басары, кайра карап чыгуу процессин баштоо үчүн Генералдык прокуратурага арыз берүү керектигин, андан кийин көзөмөл иши боюнча текшерүү жүргүзүлөрүн белгиледи.
сүрөт www
