Кыргыз Республикасынын вице-премьер-министри Эдиль Байсалов Нью-Йорктогу аялдардын укуктары боюнча БУУнун комиссиясынын жыйынына катышуу үчүн барганда, бир катар эки тараптуу жолугушууларды өткөрдү. Ал Конго Республикасынын премьер-министри Джудит Суминва Тулука жана Гватемала Республикасынын вице-президенти Карин Эррера менен жолукту, деп билдирет өкмөттүн басма сөз кызматы.
Переговорлор учурунда эки тараптуу өз ара аракеттенүүнүн маанилүү аспекттери, анын ичинде саясий диалог, соода-экономикалык мамилелерди өнүктүрүү жана эл аралык уюмдар чегинде кызматташуу маселелери талкууланды.
Байсалов Кыргызстандын Борбордук Америка жана Африка менен кызматташтыгын тереңдетүүгө кызыкдар экенин белгилеп, өз ара пайдалуу мамилелерди өнүктүрүүгө даярдыгын билдирди.
Тараптар мамлекеттер ортосундагы байланыштарды активдештирүүнүн, анын ичинде эл аралык күн тартибиндеги актуалдуу маселелер боюнча пикир алмашуунун зарылдыгын белгилешти.
Жолугушуулардан тышкары, Эдиль Байсалов өзүнүн визити учурунда «Аялдар жана кыздарга карата зомбулук» жогорку деңгээлдеги жыйынына жана аялдардын укуктары боюнча БУУнун комиссиясы тарабынан уюштурулган башка параллель иш-чараларга катышты, ошондой эле Кыргызстан жетекчилигинин атынан чет өлкөлөрдүн элчилери менен жолугушту.
