Келип түшкөн бардык арыздардын 1447си түздөн-түз керектөөчүлөрдүн укуктарын коргоо бөлүмүнө жөнөтүлгөн.
Эң көп таралган суроолор кредиттерге байланыштуу. Жарандар көп учурда кредиттеринин шарттарын өзгөртүүнү же насыялардын нюанстарын түшүндүрүүнү суранышат.
Экинчи орунда финансылык алдамчылык учурлары боюнча арыздар турат. Ошондой эле, акча которуулар менен байланышкан көйгөйлөр жана финансылык мекемелердин кызматкерлеринин компетентсиз жүрүм-туруму боюнча кайрылуулар келип түшүүдө.
Улуттук банктан маалымдалгандай, келген ар бир кайрылуу кылдат текшерүүгө алынып, адистер биринчи кезекте арыздын мазмунун изилдеп, андан кийин тиешелүү финансылык-кредиттик уюмдан маалымат сурашат.
Жооп алгандан кийин, ал мыйзамга ылайыктыгы боюнча текшерилет. Эгер мыйзам бузуулар аныкталса, регулятордун ыйгарым укуктарынын алкагында чаралар көрүлөт.
Учурдагы мыйзамга ылайык, кайрылууларды карап чыгуу мөөнөтү 14 жумушчу күндү түзөт, бирок, эгер кошумча текшерүү талап кылынса, бул мөөнөт 30 күнгө чейин узартылышы мүмкүн.
Жарандар Улуттук банкка ар кандай жолдор менен кайрыла алышат: электрондук почта, жазуу түрүндөгү кайрылуулар же «Түндүк» системасы аркылуу.
