Анын айтымында, кардардын кредит алууга чейин келишим долбоорун үйгө алып чыгып, ыңгайлуу шартта таанышуу мүмкүнчүлүгү бар.
«Керектөөчү кредиттик келишимди үйгө алып кетип, шарттарды кылдаттык менен талдоо үчүн укуктуу. Документтерди шашылыш кол коюу туура эмес. Чечим кабыл алууда тарифтерди, комиссияларды жана сыйлыктарды кылдаттык менен изилдөө маанилүү», — деп баса белгиледи Бактыбеков.
Банктардын кызматкерлери ошондой эле кредиттер, депозиттер жана банк карталары сыяктуу финансылык продуктулар жөнүндө толук жана жеткиликтүү маалымат берүүгө милдеттүү.
Мындан тышкары, кредит алууда кардарлар негизги шарттарды так баяндаган, пайыздык ставканы, төлөм графигин, ошондой эле кепилдик же поручительство бар экендигин көрсөтүүчү документти алышы керек.
Улуттук банктан билдиришкендей, кредиттик мекемелер менен кардарлардын ортосундагы мамилелер жарандык-укуктук нормаларга негизделген. Келишимге кол коюу менен кардар белгилүү милдеттенмелерди өзүнө алат, ошондуктан бардык шарттар менен, төлөмдөрдүн кечигүүсүнө байланыштуу мүмкүн болгон кесепеттерди кылдаттык менен таанышуу өтө маанилүү.
