Линин айтымында, учурдагы «Конкуренция жөнүндө» мыйзам модернизациялоону талап кылат. Жаңы редакция антимонопольдук комплаенс, сатып алуучунун компенсациялык күчү, санарип платформалар жана тармактык эффекттер сыяктуу түшүнүктөрдү камтыйт.
«Он беш–жыйырма жыл мурун «интернет» сөзү расмий документтерде кездешпей турган, бирок убакыттын өтүшү менен бул көрүнүш рынокто маанилүү оюнчу болуп калды. Тилекке каршы, ар дайым бул күчтү артыкчылыктарды алуу үчүн кыянаттык менен пайдаланган адамдар болот», - деп баса белгиледи ал.
Кыргызстанда маркетплейстердин жана башка санарип кызматтардын популярдуулугунун өсүшүн эске алып, жаңы мыйзамдагы эки термин өзгөчө мааниге ээ:
- санарип платформалар
- тармактык эффекттер
Ведомстводо чоң тармактык агрегаторлор 93-97% бүткүл рынокту көзөмөлдөп жатканын белгилешти.
«Санарип платформа белгилүү аракеттер менен түздөн-түз байланышта. Мыйзамда тармактык эффекттин түшүнүгү такталып, агрегаторлордун жана санарип платформалардын ишин талдоо учурунда эске алынышы керек болгон аспектилерге көңүл бурулат. Бул алардын аракеттери рынокко кандай терс таасир этерин, тоскоолдуктарды жаратып, башка катышуучулардын эсебинен кирешени кантип көбөйтөөрүн аныктоого жардам берет», - деп түшүндүрүштү Антимонопольдук жөнгө салуу кызматында.
