Сүйлөшүү процессинде тараптар өлкөнүн экономикасын туруктуу өнүктүрүүгө багытталган биргелешкен иштин негизги багыттарын карашты.
Өкмөттүн билдирүүсүнө ылайык, акыркы эки жылда кыргыз бийликтери менен BCG арасында ишенимдүү жана конструктивдүү мамилелер орнотулду, ал ченемде Кыргыз Республикасы үчүн бир катар маанилүү стратегиялык документтер иштелип чыкты.
Кыргыз тарап мындай өз ара аракеттешүүнү улантуунун зарылдыгын белгилеп, эл аралык кызматташтыкты өнүктүрүүгө жана ири чет элдик инвесторлорду тартууга көңүл буруп өттү.
«Биз кызматташууга ачыкпыз жана өз ара пайда алып келүүчү долбоорлорду ишке ашыруу үчүн ыңгайлуу шарттарды түзүүгө даярбыз. Кыргыз Республикасына жооптуу инвесторлор үчүн эшиктер дайыма ачык», — деди Адылбек Касымалиев.
Boston Consulting Group өкүлдөрү болсо, Кыргыз Республикасы менен натыйжалуу кызматташууну улантууга кызыктар экендиктерин билдиришти.
Маалымат: Boston Consulting Group — 1963-жылы Брюс Хендерсон тарабынан негизделген эл аралык консалтинг компаниясы. Ал стратегиялык кеңеш берүү, бизнес трансформациясы жана жеке компаниялар менен мамлекеттик мекемелердин ишинин натыйжалуулугун жогорулатууга адистешкен. Бүгүнкү күндө BCG дүйнө жүзү боюнча 50дөн ашык өлкөнү камтып, 100дөн ашык шаарда өкүлчүлүктөрү бар.
