Нарын шаарында Нооруз майрамында президент Садыр Жапаров акыркы беш жылда регионго 6 миллиард 800 миллион сомдук чет элдик инвестициялар келип түшкөнүн билдирди.
Президент Тенир-Тоо аймагынын энергетикалык потенциалы чоң экенин, Нарын дарыясы энергия өндүрүү үчүн чоң мүмкүнчүлүктөрдү ачып берерин белгиледи.
Ал ошондой эле учурда 100 МВт кубаттуулуктагы «Куланак» гидроэлектр станциясынын курулушу жүрүп жатканын, бул региондун энергетикалык коопсуздугун жогорулатуу жана өндүрүш кубаттуулугун арттыруу үчүн маанилүү кадам болоорун кошумчалады. Мындан тышкары, инвестор 1200 МВт кубаттуулуктагы «Кара-Кече» жылуулук электр станциясын куруу үчүн даярдык иштерин баштады.
