Шаардык администрациянын маалыматы боюнча, тиешелүү чечим 2026-жылдын 16-мартында муниципалитеттин башчысы тарабынан кабыл алынган.
Мурда МПнын жетекчиси Тажибаев Арстанбек Дуйшеевич болгон.
Turmush 2025-жылдын октябрь айында Ош шаарында жаңыланган муниципалдык авторынок сектору ачылганын, анда корей өндүрүшүндөгү унаалар сатылат деп жазган.
Авторынокто корей өндүрүшүндөгү унаалар сатылган участокто оңдоп-түзөө иштеринин аяктагандыгы маалымдалды. Ачылыш аземине шаар жетекчилери, шаардык кеңештин депутаттары катышты.
Жаңыланган аянтча 1500 унаага ылайыкташтырылган, шарттар түзүлгөн. Мурда авторыноктун башка бөлүктөрүндө да реконструкция жүргүзүлгөн.
2025-жылы базар жайгашкан жер участогу айыл чарба максатынан коммерциялык категорияга өткөрүлгөн. Андан кийин объект толугу менен реконструкцияланып, заманбап инфраструктура менен жабдылган:
- аймакта жаңы асфальт төшөлгөн;
- эки кошумча чатыр курулган;
- коммерциялык имараттар тургузулган;
- жалпы аянты 108 квадрат метр болгон 31 тамактануучу жай курулган;
- канализация, таза суу жана газ тартылган;
- заманбап автоматтык шлагбаумдар орнотулган;
- аймак металл тосмолор менен чектелип, жарыктандыруу менен жабдылган;
- видеокөзөмөл системасы орнотулган;
- базар аянты 2,5 гектарга чейин кеңейтилип, азыр 4200 унааны кабыл алат, мурда 2500–2600 унаа болгон;
- кошумча авто жуугуч жана санитардык түйүндөр курулган.
Реконструкциядан кийин тейлөө системасы санариптик форматка өткөрүлгөн — накталай эсептешүүлөр толугу менен жоюлган, бардык төлөмдөр азыр электрондук түрдө жүргүзүлөт. Бул авторыноктун кирешесин кыйла көбөйтүүгө мүмкүнчүлүк берди: эгер мурда жыл сайынгы киреше орто эсеп менен 20–25 млн сом болсо, жаңыланган соң акыркы үч айда болжол менен 35 млн сом жыйналган.
