Жолугушуу учурунда тараптар коопсуздук тармагындагы кызматташтыктын үч негизги аспектине көңүл бурушту: аскерий-саясий, экономикалык-экологиялык жана гуманитардык. Демократиялык процесстерди колдоо, коррупцияга жана уюшкан кылмыштуулукка каршы күрөшүү, ошондой эле санариптештирүү жана соттук-укуктук системаларды реформалоо, экономикалык өсүш, экология жана климаттык өзгөрүүлөр боюнча маселелерге негизги көңүл бурулду.
Ошондой эле жолугушуунун алкагында Борбордук Азиядагы регионалдык интеграция, заманбап коопсуздук коркунучтары жана аларды жеңүү үчүн ОБСЕ механизмдерин колдонуу мүмкүнчүлүктөрү боюнча маселелер талкууланды.
Кулубаев жана Синирлиоглу Бишкектеги ОБСЕ Академиясынын ишин колдоо жана кеңейтүү зарылдыгы боюнча макулдашышты, бул тууралуу дагы маалымат берилди.
