Бишкектеги «Тунгуч» жаштар театрында 25-мартта Шанхай кызматташтык уюмуна (ШКУ) мүчө мамлекеттердин биринчи жаштар Дельфий оюндарынын алкагында «Эстрадное пение» номинациясы башталды.
Ачылыш аземи, борбордун мэриясынын маалыматы боюнча, Бишкек мэриясынын маданият башкармалыгынын жетекчиси Урмат Белекбаевдин катышуусунда өттү.
Ал өз сөзүндө Дельфий оюндары таланттуу жаштарды колдогон маданий платформа катары маанилүү роль ойной турганын, ошондой эле эл аралык деңгээлде чыгармачылык байланыштарды бекемдөөгө жана маданий кызматташтыкты өнүктүрүүгө жардам берерин белгиледи.
Катышуучуларга ишенимдүү чыгыштар, чыгармачылык шыктануу жана ийгилик, ал эми борбордун конокторуна Бишкекте жагымдуу убакыт өткөрүүнү каалашты.
«Эстрадное пение» номинациясынын алкагында катышуучулар өзүнүн вокалдык таланттарын жана сахнадагы жөндөмдөрүн көрсөтө алышат.
Оюндардын программасы сегиз ар түрдүү номинацияны камтыйт: фортепиано, сүрөт искусствосу, элдик жана эстрадалык вокалдык искусство, элдик бийлер, диджеинг, элдик аспаптарда ойноп берүү, ошондой эле декоративдик-колдонмо искусство.
Мэриянын өкүлдөрү белгилегендей, жаштар Дельфий оюндары ШКУ маданий диалогду өнүктүрүүгө, жаш таланттарды колдоого жана элдер ортосунда достук мамилелерди бекемдөөгө багытталган.
