Россиянын президенти Владимир Путин 100 миң доллардан ашык суммадагы акча каражаттарын ЕАЭС өлкөлөрүнө чыгарууга тыюу салган указ чыгарды. Бул чектөө ушул жылдын апрель айынан баштап күчүнө кирет.
Мындан тышкары, указда 100 граммдан ашык алтын куймаларын чыгарууга да чектөө киргизилет, бирок белгилүү бир исключениялар каралган. Бул тыюу май айынан күчүнө кирет, деп билдирет ТАСС агенттиги.
ЕАЭСтин курамына Армения, Беларусь, Казахстан жана Кыргызстан кирет.
Указга ылайык, исключениялар өкмөт тарабынан белгиленген аба пункттары аркылуу каражаттарды чыгарууга тиешелүү болот. Россиялык валютаны чыгаруу үчүн акча каражаттарын берген мекеменин тастыктаган банктык көчүрмөсү талап кылынат. Бул документ жеке же юридикалык жактын, ошондой эле чыгарууну жүргүзгөн жеке ишкердин банктык эсептен акча каражаттарын алуу фактыларын тастыкташы керек, деп көрсөтүлгөн расмий документте.
Мындан тышкары, ушул жылдын 1-майынан баштап 100 граммдан ашык алтын куймаларын чыгарууга тыюу салынат, бирок бир катар учурлар үчүн исключениялар каралган. Алардын катарына 999,9 үлгүдөгү (аралашмалары жок) тазаланган алтынды Москвадагы Внуково, Шереметьево, Домодедово жана Владивостоктогу Кневичи аэропорттору аркылуу чыгарууга мүмкүнчүлүк кирет, эгерде Федералдык пробирдик палатанын уруксаты болсо. Ошондой эле тазаланган алтын куймаларын жеке адамдардын ЕАЭСке кирбеген өлкөлөргө, юридикалык жактардын жана жеке ишкерлердин союзга кирбеген мамлекеттерге чыгарууга уруксат берилет.
Указда ошондой эле валютаны жана алтын куймаларын чыгаруунун өзгөчө тартиби «улуттук коопсуздукту жана өлкөнүн кызыкчылыктарын коргоо максатында», ошондой эле АКШ жана башка өлкөлөрдүн «дос эмес аракеттерине» каршы күрөшүү үчүн киргизилгени белгиленген. Документтин шарттары кредиттик уюмдар аркылуу акча каражаттарын жана тазаланган алтын куймаларын чыгарууга тиешелүү эмес. Указ кол коюлган күндөн тартып, 2026-жылдын 25-мартынан күчүнө кирет.
Запись Путин РФдан ЕАЭСке акча жана алтын чыгарууга тыюу салды биринчи жолу K-News сайтында жарыяланган.
