Тийиштүү буйрук Кабинеттин төрагасы Адылбек Касымалиев тарабынан кол коюлду.
Жаңы орун басар акимди 26-мартта президенттин Жалал-Абад облусундагы ыйгарым укуктуу өкүлүнүн аппаратынын жетекчиси Манас Базылбеков тааныштырды.
Мурда Сузак районунун биринчи орун басары кызматын Асылбек Юлдашев ээлеп келген. Ал өз каалоосу менен жумуштан кетүү тууралуу арыз жазган.
Жантороев Барчынбек Азатбекович 1975-жылдын 23-ноябрында Жалал-Абад облусунун Сузак районунун Кара-Дарыя айыл аймагындагы Ак-Мечит айылында төрөлгөн.
Учурда 2-класстагы муниципалдык кызматтын кеңешчиси наамына ээ.
Билим
- 2012-2012-жылдары — Кыргыз Республикасынын президентинин алдындагы мамлекеттик башкаруу академиясы (2010–2012) «Мамлекеттик башкаруу» багыты, магистратура.
- 1995-2000-жылдары — Жалал-Абад коммерциялык институту, эсеп жана аудит боюнча адис.
- 1994-1999-жылдары — Жалал-Абад кооперативдик техникуму, товар таануучу.
Эмгек иши
Б. Жантороевдин кесиптик жолу 1995-жылы башталган жана финансылык жана административдик структураларда 29 жылдан ашык стажы бар.
Жалал-Абад облусундагы президенттин ыйгарым укуктуу өкүлүнүн аппаратында: башкы адистен сектордун жетекчилигине чейин (2012 — азыркы убакка чейин) өткөн. 2024-жылдын майынан тартып жетекчи адис кызматын ээлеп жатат.
2015-2019-жылдар аралыгында Жалал-Абад шаарынын мэриясынын аппаратынын жетекчиси кызматын аткарган.
Облус финансылык башкармалыгында узак убакыт иштеп, 1-категориядагы адистен бөлүмдүн жетекчисине чейин (2001–2008-жылдар) өткөн.
Сузак районунун ГНСинде инспектор болуп, облус боюнча медициналык мекемелерде башкы бухгалтер болуп иштеген.
Тилдерди билүү: Кыргыз жана орус тилдеринде эркин сүйлөйт. «Кыргызтест» сертификатына ээ, С1 деңгээли (жогорку). Ошондой эле өзбек тилинде эркин сүйлөйт жана негизги англис тилин билет.
Сыйлыктар жана жетишкендиктер
- «Кыргыз Республикасынын муниципалдык кызмат отличниги» төш белгиси (2016).
- «Экономика отличниги» төш белгиси (2013).
- Кыргыз Республикасынын Экономика министрлигинин, Кыргыз Республикасынын ГКСинин жана Жалал-Абад облусундагы президенттин ыйгарым укуктуу өкүлүнүн ыраазычылык кагаздары.
Жоокердик наам: рядовой.
