Ошол эле учурда, АКШнын президенти акыркы билдирүүлөрүндө Венесуэладагы наркокартелдерге каршы жердеги операция баштоо мүмкүнчүлүгүн эскертип, өлкөнүн өкмөтүн АКШны мыйзамсыз мигранттар жана наркотиктер менен "толтуруу" үчүн айыптады.
Трамп ошондой эле The New York Times гезитинде жарыяланган маалыматты тастыктап, Ак үй ЦРУга Мадуро режимин дестабилизациялоо максатында жашыруун операцияларды жүргүзүүгө уруксат бергенин билдирди. Венесуэла бийликтери бул аракеттерди кескин айыптап, аларды эл аралык мыйзамдын оор бузулушу деп аташты.
Быйыл сентябрда АКШ Венесуэланын жээгинде наркотик ташуу үчүн колдонулган катерлерди жок кылууну баштады. Мындан тышкары, NBC телеканалы америкалык аскерлердин Венесуэладагы наркоторговецтерге сокку урууну карап жаткандыгы тууралуу маалымат берди, бул соккулар жакынкы апталарда жүргүзүлүшү мүмкүн.
